SomaHimi.org
තෙරුවන.ඕර්ග්
Threegems.org
Vidarshana.org
Jeevithaya.org
Thinkup.today
 සැඟවුණු මිගදාය ලොවට ගෙනෙන ඉන්දීය පුරා විද්යාඥවරියඒ භාග්‍යවත් අරහත් සම්මා සම්බුදුරජාණන් වහන්සේට නමස්කාර වේවා! අරුණඩේල් විජේරත්න ඉන්දියාවේ සිට - ජේ. වීරසේකර 2014-07-05 බෞද්ධ ඉතිහාසයේ මුල්තැන්හිලා සැලකෙන සිදුවීම් රැසක් බිහිකළ බරණැස, ඉසිපතන මිගදාය පුණ්‍ය භූමියෙහි කැණීම් කටයුතු ඉන්දීය මධ්‍යම රජය යටතේ මෙම දිනවල සිදු කෙරෙන බව එහි කැණීම් කටයුතු භාර පුරාවිද්‍යාඥවරිය වන මනීෂා සිං පවසා සිටියාය. ඇය මෙම තොරතුරු හෙළිකළේ මිගදාය පින් බිමෙහි කැණීම් කටයුතු පිළිබඳ විමසීමක් කළ අවස්ථාවේදීය.  ලොකු රූපය ලබාගන්න රූපයට ක්‍ලික්‍ කරන්න. මෙම කොටසේ සිදු කෙරෙන කැණීම් කටයුතුවල මූලික අරමුණ වනුයේ මිගදාය පින්බිම හා බැඳී පවතින බෞද්ධ සිදුවීම් රැස පිළිබඳ නිවැරැදි කාල නිර්ණයක් කිරීම බවත් එය නිවැරැදිව තහවුරු කරගත් පසු අදාළ සිදුවීම් පිළිබඳ වෙන වෙනම කැණීම් කටයුතු සිදු කරන බවක් ඇය කියා සිටියාය.  ලොකු රූපය ලබාගන්න රූපයට ක්‍ලික්‍ කරන්න. මුළු ලොවම මහත් අමන්දානන්දයට පත් කළ ගෞතම බුදුන් වහන්සේ සම්බන්ධ ගෞරවනීය කටයුත්තකට දායක වීමට තමනට ඉඩකඩ ලැබීම තම ජීවිතයේ අමතක නොවන වටිනා අවස්ථාවක් බව පවසා සිටි ඇය, තවමත් ඉන්දීය මාධ්‍යවලට පවා ඇස නොගැටුණු මෙම කැණීම් කටයුතු ශ්‍රී ලංකාවේ මාධ්‍යවේදීන් විසින් ලෝකයාට හෙළිදරව් කිරීමට පියවර ගැනීම ගැන මුළු ඉන්දියාවම සතුටු වන බව ඇය අවසන් වශයෙන් පවසා සිටියාය. ඔබ සැමට තෙරුවන් සරණයි! උපුටා ගැනීම: http://www.mawbima.lk/86-53403-news-detail.html
|
