SomaHimi.org
 තෙරුවන.ඕර්ග්
 Threegems.org
 Vidarshana.org
 Jeevithaya.org
 Thinkup.today
මූණු පොත
Title Horizontal Line Shadow Title Horizontal Line
අලුත්   ලිපි   රූප   වීඩියෝ   භාගත   ඇමතුම්
අලුත්   ලිපි   රූප   වීඩියෝ   භාගත   ඇමතුම්
භාර්යා වර්ගීකරණයයි ඔවුන්ගේ චරිත ලක්‍ෂණයි 1

ඒ භාග්‍යවත් අරහත් සම්මා සම්බුදුරජාණන් වහන්සේට නමස්කාර වේවා!

රුහුණ විශ්ව විද්‍යාලයේ පාලි හා බෞද්ධ අධ්‍යයනාංශයේ ආචාර්ය බෙලිගල්ලේ ධම්මජෝති හිමි

ප්‍රකාශනය: 2014-10-16


ලොකු රූපය ලබාගන්න රූපයට ක්‍ලික්‍ කරන්න.

සූත්‍ර පිටකයෙහි අංගුත්තර නිකායේ සත්තක නිපාතයේ එන සත්තභරියා සූත්‍රය ඉතා අගනා සමාජ දර්ශනයක් ඉදිරිපත් කරයි. එම සූත්‍රය මනුෂ්‍ය සමාජයේ ගෘහ ජීවිත සම්බන්ධයෙන් අමිල වටිනාකමක් ඇති භාර්යා වර්ගීකරණයක් (classfication of wives) සහ ඔවුනගේ චරිත ලක්‍ෂණ විවරණයක් (interpretation of characteristices) ද ගෙනහැර දක්වයි. සූත්‍රයේ අන්තර්ගතය හා කථා පුවත මෙසේ ය.

එක් කලෙක බුදුරජාණන් වහන්සේ සැවැත් නුවර ජේතවනාරාමයේ වාසය කරන කල්හි අනාථපිණ්ඩික සිටුතුමාගේ නිවසට වඩියි. සුදුසු ලෙස පැන වූ ආසනයෙහි බුදුරදුන් වැඩ සිටියහ.


“දියුණුවේ දොරටුව - අතිපූජ්‍ය පානදුරේ අරියධම්ම හිමි.” වීඩියෝව නරඹන්න වීඩියෝවට ක්‍ලික්‍ කරන්න. සම්පුර්ණ වීඩියෝව මෙතන නරඹන්න >
එම අවස්ථාවෙහි සිටුතුමාගේ නිවසෙහි මිනිස්සු උස් හඬින් මහහඬින් කථා කරමින් සිටියහ.

එවිට අනේපිඬු සිටුතුමා බුදුරදුන් වෙත පැමිණ වැඳ එකත්පසෙක වාඩි විය. එම අවස්ථාවේදි බුදුරදුන් සිටුතුමාගෙන් මෙසේ විචාළේය.

“ගෘහපතියෙනි, කුමක් හෙයින් ද ඔබගේ නිවසේ මිනිස්සු මසුන් මරන්නන් මාළු ගොඩගත් තැන ඇතිවනවා මෙන් උස් හඩින් ඝෝෂා කරන්නේ?”

“ස්වාමීනි , සුජාතා නම් කුල දුවණියක් ආඪ්‍ය කුලයකින් (from a wealthy family) ගෙන ආවා. ඇය මේ මාගේ නැන්දණිය කියා හෝ මේ මාගේ මාමණ්ඩිය කියා හෝ නොසලකයි. මේ මාගේ ස්වාමියා නේද කියා හෝ නොතකයි. භාග්‍යවතුන් වහන්සේට හෝ සත්කාර ගරුකාර නොකරයි, නො පුදයි.”


ලොකු රූපය ලබාගන්න රූපයට ක්‍ලික්‍ කරන්න.
මේ මහා ශබ්දය ඇය සේවකයන්ට අමතන ශබ්දය හා ඒ අය අමතන ශබ්දයි.” (මෙහි සුජාතා යනු විශාඛාවන්ගේ බාල නැගණියයි. එසේම ඇය ධනඤ්ජය සිටුතුමාගේ දුවණිය යි) මෙම පුවත බුදුරදුන්ට සැල කරන අවස්ථාවේදී පවා ඇය එම නුදුරෙහි සිටගෙන, සිටුවරයා තමාගේ ගුණ කියනවා ද අගුණ කියනවාද යැයි අසාගෙන සිටියාය.

එවිට බුදුරදුන් “සුජාතාවනි මෙහි එව” යැයි ඇමතු සේක.

සුජාතාව බුදුරදුන් වෙත පැමිණ වැඳ එකත්පසෙක වාඩි වූ අතර බුදුරදුන් ඇයට ලොවෙහි භාර්යාවන් පිළිබඳ ධර්ම දේශනයක් කළහ.

මේ සූත්‍රයට අනුව ලෝකයේ භාර්යාවරුන් සත්දෙනෙක් වෙති. එනම්.

වධකසමා – වධක වැනි භාර්යාව
චොරිසමා – සොර භාර්යාව
අය්‍යසමා – ආර්ය්‍යා භාර්යාව (ස්වාමියා මැඩගෙන සිටීම)
මාතුසමා – මව හා සමාන භාර්යාව
භගිනි සමා – සොයුරිය හා සමාන භාර්යාව
සඛීසමා – යෙහෙළියක බඳු භාර්යාව
දාසිසමා – දාසි භාර්යාව ය

භාර්යාවරු සත්දෙනා හඳුන්වා දී ඔවුන් අතුරෙන් ඔබ කවරෙක් වෙහි ද? විචාළ සේක.


ලොකු රූපය ලබාගන්න රූපයට ක්‍ලික්‍ කරන්න.
එවිට ඇය “ස්වාමීනී , එම දේශනාවේ අර්ථය මම නොදනිමි” යි ද එය සවිස්තරාත්මකව දේශනා කරනු මැනවි යයි ද කීවා ය. එවිට බුදුරදුන් සත්ත භාර්යාවන්ගේ ගුණ අගුණ ප්‍රකාශ කළ හ. ඒ අනුව භාර්යාවරුන්ගේ ලක්‍ෂණ මෙසේය.

1. වධක භාර්යාව

i. ප්‍රදුෂ්ට සිත් ඇතිවීම
ii. හිතානුකම්පී නැතිවීම
iii. පරපුරුෂයන් කෙරෙහි ඇලීම
iv. සැමියා ඉක්මවා සිතීම
v. වධ කිරීමට උත්සුක වීම


ලොකු රූපය ලබාගන්න රූපයට ක්‍ලික්‍ කරන්න.

2. චෞර භාර්යාව

i. ශිල්ප ශාස්ත්‍ර වෙළහෙළදාම් හෝ ගොවිකම් කටයුතු ආදියෙන් සැමියා උපයන ධනය අල්පයක් හෝ පැහැර ගැනීමේ සිතින් කටයුතු කිරීම

3. ආර්ය්‍යා භාර්යාව

i. කළ යුතු දේ නොරුස්සයි
ii. අලස වීම
iii. බොහෝකොට අනුභව කිරීම
iv රළුවීම
v. සැඩවීම
vi. කැකුළු වචන (කර්කශ වචන) කීම
vii. ස්වාමියා මැඩගෙන සිටීම


ලොකු රූපය ලබාගන්න රූපයට ක්‍ලික්‍ කරන්න.

4. මාතු භාර්යාව

i. හිතානුකම්පී ඇතිවීම
ii. මවක් පුතකු රක්නා සෙයින් සැමියා රැකීම
iii. උපයන ලද ධනය රැකීම

5. භගිනි භාර්යාව

i. ස්වාමියා කෙරෙහි ගෞරව සහිත වීම
ii. ජ්‍යෙෂ්ඨ සහෝදරයා කෙරෙහි කනිෂ්ට සොයුරිය සේ කටයුතු කිරීම
iii. ලජ්ජා සිත් ඇතිවීම
iv. ස්වාමියාගේ වශයෙහි අනුව පැවතීම

6. සඛී භාර්යාව

i. ස්වාමියා දැකීමෙන් ප්‍රමුදිත වීම
ii. කුල සපන් වූවා වීම
iii. සිල්වත් වීම
iv. පතිව්‍රතාව රක්‍ෂා කිරීම

7. දාසි භාර්යාව

i. දඬු ගෙණ තර්ජනය කළ ද නොකිරීම
ii. දුෂ්ට සිත් නැතිවීම
iii. ස්වාමියා හට ක්‍ෂමා කිරීම
iv. නොකිපෙන සුලුවීම
v. ස්වාමියා වශයෙහි පැවතීම


ලොකු රූපය ලබාගන්න රූපයට ක්‍ලික්‍ කරන්න.
මේ ලෝකයේ වධක භාර්යාවරු ද, චොර භාර්යාවරුද, ආය¸ා භාර්යාවරු ද, දුස්සීල හෙයින් මරණින් මතු අපාගත වෙති. මේ ලෝකයේ මාතෘ භාර්යාවරු ද භගිනි භාර්යාවරු ද සඛී භාර්යාවරු ද දාසි භාර්යාවරු ද සිල්වත් බැවින් මරණින් මතු සුගතියට යති.

මෙම ලක්‍ෂණ පැහැදිලි කිරීමෙන් පසු බුදුරදුන් යළිත්, “ඔබ කවරෙක් වෙයි ද?” සුජාතාවගෙන් විමසූ කල්හි ඇය මෙසේ කීවාය.

“ස්වාමීනී, මම අද පටන් මාගේ සැමියාගේ දාසියක හා සම වූ භාර්යාවක් වෙමි” සත්තභරියා සූත්‍ර දේශනාව අවසානයේ අතිශින්ම ප්‍රගල්භ ගති ඇති ව සිටි සුජාතා ගෘහපති දියණිය නිහතමානි ගති ඇති දාසි භාර්යාවක් බවට පත්වීමට අදිටන් කර ගත්තාය.


ලොකු රූපය ලබාගන්න රූපයට ක්‍ලික්‍ කරන්න.
වර්තමාන සමාජය තුළ දුර්ගුණ ගති ඇති කාන්තාවන්ගේ හැසිරීම විමසා බලන කල්හි වධක චෞරී අර්ය්‍යා භාර්යාවරු ඒ අතර සිටින බව ඉතා පැහැදිලිය.

එසේම මාතු භගිනි, සඛී, දාසි භාර්යාවරු ද අප සමාජයේ සමාජ ප්‍රගමනයට, සමාජ සදාචාරයට උතුම් කාර්යභාරයක් ඉටුකරති. විෂම ගති ඇති, බිඳ වැටුණු පවුල් පරිසරයක් නිමැවෙන්නේ දුර්ගුණ ගති ඇති කාන්තාවන්ගෙනි.

උතුම් ගති ඇති භාර්යාවරු සැමවිටෙක ම උදාර ශිෂ්ටාචාරයක නිර්මාණාත්මක බලවේගය නියෝජනය කරති.

සත්තභරියා සූත්‍රය ඇසුරෙනි

ඔබ සැමට තෙරුවන් සරණයි!

උපුටා ගැනීම: http://www.lakehouse.lk/budusarana/2011/11/10/tmp.asp?ID=vision03

අදාළ:
සත්තභරියා සූත්‍රය 1

සාර්ථක යුග දිවියක් 1 — පුජ්‍ය උයන්වත්තේ ඤාණාලෝක නායක ස්වාමීන්වහන්සේ [වීඩියෝ]

AN 4.55: Samajivina Sutta: Living in Tune 1 [Articles — External >>]

සාර්ථක යුග දිවියකට For a Successful Married Life 1 [Pictures — External >>]

තෙරුවන් සරණයි! May The Triple Gem Bless You! [Pictures — External >>]
 
ශ්‍රද්ධාවෙන් තෙරුවන් සරණ යාම 1

ගෙදර බුදුන් පුදන්නේ මෙහෙමයි

දහමෙහි හැසිරීමෙන් සමාජ යහපත 1

අපමණ පුද ලද බුදු හිමි ගුණ කඳ

අසූ මහා ශ්‍රාවකයන් වහන්සේලා